ختم نبوتحضرت عیسی علیہ السلام اور امام مہدی دو شخصیتیں ہے؟
ظہور مہدی 
اور نزول عیسیٰ 
کے بارے میں جو احادیث آئی ہیں ان سے صاف ظاہر ہے کہ حضرت عیسی بن مریم اور حضرت مہدی دو علیحدہ علیحدہ شخص ہیں ۔ عہد صحابہ و تابعین سے لے کر اس وقت تک کوئی اس کا قائل نہیں ہوا کہ نازل ہونے والا مسیح اور ظاہر ہونے والا مہدی ایک ہی شخص ہوگا۔
صرف مرزا قادیانی کہتا ہے کہ:میں ہی عیسی ہوں اور میں ہی مہدی ہوں اور پھر اس کے ساتھ یہ بھی دعوی ہے کہ کرشن مہاراج بھی ہوں اور آریوں کا بادشاہ بھی ہوں اور حجر اسود بھی ہوں اور بیت اللہ بھی ہوں اور حاملہ بھی ہوں اور پھرخود ہی مولود ہوں۔ ہمارا تو یقین ہے کہ وہ سب کچھ ہیں مگر مسلمان نہیں۔
احادیث نبویہ سے یہ امر روز روشن کی طرح واضح ہے کہ حضرت عیسی اور حضرت مہدی دو الگ الگ شخصیتیں ہیں۔
پہلا فرق:
حضرت عیسی بن مریم اللہ کے نبی اور رسول ہیں اور حضرت مہدی امت محمد یہ کے آخری خلیفہ راشد ہیں، جن کا رتبہ امت میں جمہور علماء کے نزدیک حضرت ابوبکراور حضرت عمر خلفائے راشدین کے بعد ہے۔
امام جلال الدین سیوطی 
فرماتے ہیں :
احادیث صحیحہ اور اجماع امت سے یہی ثابت ہے کہ انبیاء مرسلین 
کے بعد مرتبہ حضرت ابو بکر اور حضرت عمر کا ہے۔
دوسرا فرق:
حضرت عیسی، حضرت مریم کے بطن سے بغیر باپ کے نفخہ جبرائیلی سے نبی اکرم ﷺ سے چھ سو سال پہلے بنی اسرائیل میں پیدا ہوئے اور حضرت مہدی آل رسول ﷺ سے ہیں، قیامت کے قریب مدینہ منورہ میں پیدا ہوں گے، والد کا نام عبداللہ اور والدہ کا نام آمنہ ہوگا ۔ اب صاف ظاہر ہے کہ حضرت عیسی بن مریم اور حضرت مہدی ایک شخص نہیں بلکہ دو الگ الگ شخص ہیں۔
تیسرا فرق:
احادیث متواترہ سے یہ ثابت ہے کہ حضرت مہدی کا ظہور پہلے ہوگا اور حضرت مہدی روئے زمین کو عدل و انصاف سے بھر دیں گے، پھر اس کے بعد حضرت عیسی کا نزول ہوگا۔ حضرت عیسی نازل ہونے کے بعد حضرت مہدی کے طرز عمل اور طرز حکومت کو برقرار رکھیں گے۔1
اس سے بھی صاف ظاہر ہے کہ حضرت عیسی اور حضرت مہدی دو علیحدہ علیحدہ شخص ہیں۔
چوتھا فرق:
روایات میں منقول ہے کہ حضرت مہدی مدینہ منورہ میں پیدا ہوں گے۔ مدینہ منورہ ان کا مولد یعنی جائے ولادت ہوگا اور جائے ہجرت بیت المقدس ہوگا۔ اور بیت المقدس ہی میں حضرت مہدی وفات پائیں گے اور وہیں مدفون ہوں گے اور حضرت عیسی حضرت مہدی کی نماز جنازہ پڑھائیں گے اور حضرت عیسیحضرت مہدی کے ایک عرصہ بعد وفات پائیں گے اور مدینہ منورہ میں روضہ اقدس میں مدفون ہوں گے۔
پانچواں فرق:
احادیث میں موجود ہے کہ حضرت مہدی دمشق کی جامع مسجد میں صبح کی نماز کے لئے مصلے پر کھڑے ہوں گے، یکا یک منارہ شرقی پر حضرت عیسی کا نزول ہوگا، حضرت مہدی حضرت عیسیٰ کو دیکھ کر مصلے سے ہٹ جائیں گے اور عرض کریں گے کہ اے نبی اللہ! آپ امامت فرمائیں ، حضرت عیسی فرمائیں گے کہ نہیں تم ہی نماز پڑھاؤ یہ اقامت تمہارے لئے کہی گئی ہے۔ حضرت مہدی نماز پڑھائیں گے اور حضرت عیسٰی آپ کی اقتداء فرمائیں گے تا کہ معلوم ہو جائے کہ وہ رسول ہونے کی حیثیت سے نازل نہیں ہوئے بلکہ امت محمدیہ کے تابع ہونے کی حیثیت سے آئے ہیں۔2
احادیث ملاحظہ ہو:
عن ابي هريرة
حضرت ابوہریرہ
امام ابن حجر عسقلانی اس کی شرح میں کہتے ہے کہ:
مطلب یہ ہے کہ عیسیٰ نزول کے وقت جماعت کے ساتھ نماز ادا کریں گے اور امام خود عیسیٰ نہیں ہوں گے، بلکہ اُمّت کا ایک فرد یعنی خلیفہ مہدی ہوں گے چنانچہ حافظ ابن حجر بحوالہمناقب الشافعی از امام ابو الحسین آبری لکھتے ہیں :کہ اس بارے میں احادیث متواتر ہیں کہ حضرت عیسیٰ ایک نماز خلیفہ مہدی کی اقتداء میں ادا کریں گے۔4
عن جابر بن عبداﷲ الانصاري
حضرت جابر بن عبداللہ انصاری
احادیث سے صاف ظاہر ہے کہ عیسی اور امام مہدی دو علیحدہ علیحدہ شخصیتوں کے نام ہیں ایک امام ہونگے اور دوسرے مقتدی اور امام اور مقتدی دو الگ الگ شخصیت ہے بمنزلہ جزئی ہے ہیں اور جزئیات کے مابین تباین ہوتا ہے جو مصداقا جداگانہ ہوتی ہے ۔
