ختم نبوتمرزائی بچوں کا حکم - (اعلی حضرت امام احمد رضا خان قادری رحمۃ اللہ علیہ)
استفتاء:
مرزائیوں کے لڑکوں کو جو ابھی سن شعور کو نہیں پہنچے اور اپنے ماں باپوں کے رنگ میں رنگے ہیں اور ہر امر میں انہیں کے ماتحت ہیں کیا سمجھنا چاہئے مرزائی یا غیر مرزائی؟
از بدایوں مرسلہ نتھو ونثار احمد سوداگران چرم 18 ربیع الآخر شریف 1336ھ
الجواب:
وہ سب مرزائی ہیں مگر وہ کہ عقل وتمیز کی عمر کو پہنچا اور اچھے برے کو سمجھا اور مرزائیوں کو کافر جانا اور ٹھیک اسلام لایا وہ مسلمان ہے، یہ اس حالت میں ہے کہ ماں مرزائی ہو، اور اگر ماں مسلمان ہو اگر چہ اپنی شامت نفس یا اپنے اولیاء کی حماقت یا ضلالت سے مرزائی کے ساتھ نکاح کر کے زنا میں مبتلا ہے، اب جو بچے ہوں گے جب تک نا سمجھ رہیں گے اور سمجھ کی عمر پر آکر خود مرزائیت اختیار نہ کریں گے اس وقت تک وہ اپنی ماں کے اتباع سے مسلمان ہی سمجھے جائیں گے،
فَإِنَّ الْوَلَدَ يَتْبَعُ خَيْرَ الْأَبَوَيْنِ دِينًا1، فَكَيْفَ مَنْ لَيْسَ لَهُ إِلَّا الْأُمُّ؟ فَإِنَّ وَلَدَ الزِّنَا لَا أَبَ لَهُ
بچہ والدین میں سے اس کے تابع ہوتا ہے جس کا دین بہتر ہو تو اس وقت کیا حال ہوگا جب اس کی صرف ماں ہی ہو کیونکہ ولد زنا کا باپ نہیں ہوتا۔ (ت)واﷲ تعالیٰ اعلم
(فتاوی رضویہ ،ج:14،ص:320تا322،رضا فاؤنڈیشن لاہور)
- 1 تنویر الابصار ،کتاب النکاح ،باب نکاح الکافر ،ج:3،ص:196
