ختم نبوتمرزا قادیانی خدا اور خدا کی صفات کا دعویدار
جھوٹے مدعی نبوت مرزا غلام احمد قادیانی نے صرف نبوت اور رسالت کا دعوی نہیں کیا بلکہ اس کے علاوہ اور بھی بہت سے دعوے کئے ہیں اور خدا عزوجل کی ذات تک کو نہیں چھوڑا جو صفات باری تعالیٰ کے لئے ہیں مرزا قادیانی نے ان صفات کو اپنے مان رہا ہے ،مرزا صاحب کے چند باطل اور کفریہ دعوے ملاحظہ فرمائیں اور خود فیصلہ کریں کہ کیا ایسے کفریہ اور باطل دعوے کرنے والا مسلمان تو درکنار ایک عقلمند انسان کہلانے کا مستحق بھی ہے یا نہیں:
1۔خالق ہونے کا دعوی:
مرزا غلام احمد قادیانی اپنی کتاب” آئینہ کمالات اسلام“ میں لکھتا ہے کہ:
”اور اسی حالت میں کہہ رہا تھا کہ ہم ایک نیا نظام اور نیا آسمان چاہتے ہیں تو میں نے پہلے تو آسمان وزمین کو اجمالی صورت میں پیدا کیا جس میں کوئی ترتیب وتفریق نہ تھی پھر میں نے منشاءحق کے موافق اس کی ترتیب وتفریق کی، میں دیکھتا تھا کہ اس کے خلق پر قادر ہوں پھر میں نے آسمانی دنیا کو پیدا کیا اور کہا انا زینا السما الدنیا بمصابیح پھر میں نے کہا اب انسان کو مٹی کے خلاصہ سے پیدا کریں گے پھر میری حالت کشف الہام کی طرف منتقل ہوگئی۔“ 1
(آئینہ کمالات اسلام ،ص :565، روحانی خزائن ،ج: 5، ص:565)
2۔تو مالک بنایا گیا:
مرزا قادیانی اپنی کتاب ”دافع البلاء “میں عجیب بات لکھتا ہے کہ:
”میں نے تجھ سے ایک خرید و فروخت کی ہے یعنی ایک چیز میری تھی جس کا تو مالک بنایا گیا اور ایک چیز تیری تھی جس کا میں مالک بن گیا تو بھی اس خرید و فروخت کا اقرار کر اور کہہ دے کہ خدا نے مجھ سے خرید و فروخت کی، تو مجھ سے ایسا ہے جیسا کہ اولاد تو مجھ میں سے ہے اور میں تجھ میں سے ہوں۔“ 2
(دافع البلاء ،ص :8، روحانی خزائن ،ج :18 ،ص: 228)
3۔خدا ہونے کا دعوی:
مرزا قادیانی اپنے الہامات میں لکھتا ہے کہ:
”ورایتنی فی المنام عین الله و تیقنت اننی ھو“ 3
”میں نے اپنے کشف میں دیکھا کہ میں خود خدا ہوں اور یقین کیا کہ وہی ہوں۔(ترجمہ از قادیان)“
(تذکرہ ،مجموعہ الہامات ،کشوف ورؤیا ،ص :152 )
4۔صاحب کن فیکون ہونے کا دعوی:
مرزا غلام احمد قادیانی اپنی کتاب ”براہین احمدیہ“ میں لکھتا ہے کہ:
”إنما أمرك إذا أردت شیئا أن تقول له كن فیکون“ 4
”یعنی تیری یہ بات کہ جب تو کسی چیز کا ارادہ کرے تو اسے کہے کہ ہوجا تو وہ ہوجاتی ہے۔(ترجمہ از مرزا قادیانی)“
(براہین احمدیہ ،حصہ پنجم، ص :95 ، روحانی خزائن ،ج:21، ص: 124)
5۔زندگی اور موت کے مالک ہونے کا دعویٰ:
مرزا قادیانی نے لکھا ہے کہ :
”مجھے فانی کرنے اور زندہ کرنے کی صفت دی گئی ہے۔“ 5
(خطبہ الہامیہ ،ص :23 ،روحانی خزائن،ج :16 ،ص :55،56)
ایک نظر میں
(1)”اور اسی حالت میں کہہ رہا تھا کہ ہم ایک نیا نظام اور نیا آسمان چاہتے ہیں تو میں نے پہلے تو آسمان وزمین کو اجمالی صورت میں پیدا کیا جس میں کوئی ترتیب وتفریق نہ تھی پھر میں نے منشاءحق کے موافق اس کی ترتیب وتفریق کی، میں دیکھتا تھا کہ اس کے خلق پر قادر ہوں پھر میں نے آسمانی دنیا کو پیدا کیا اور کہا انا زینا السما الدنیا بمصابیح پھر میں نے کہا اب انسان کو مٹی کے خلاصہ سے پیدا کریں گے پھر میری حالت کشف الہام کی طرف منتقل ہوگئی۔“(آئینہ کمالات اسلام ،ص :565، روحانی خزائن ،ج: 5، ص:565)
(2)”میں نے تجھ سے ایک خرید و فروخت کی ہے یعنی ایک چیز میری تھی جس کا تو مالک بنایا گیا اور ایک چیز تیری تھی جس کا میں مالک بن گیا تو بھی اس خرید و فروخت کا اقرار کر اور کہہ دے کہ خدا نے مجھ سے خرید و فروخت کی، تو مجھ سے ایسا ہے جیسا کہ اولاد تو مجھ میں سے ہے اور میں تجھ میں سے ہوں۔“(دافع البلاء ،ص :8، روحانی خزائن ،ج :18 ،ص: 228)
(3)”ورایتنی فی المنام عین الله و تیقنت اننی ھو“(تذکرہ ،مجموعہ الہامات ،کشوف ورؤیا ،ص :152)
(4)”إنما أمرك إذا أردت شیئا أن تقول له کن فیکون“(براہین احمدیہ ،حصہ پنجم، ص :95 ، روحانی خزائن ،ج:21، ص: 124)
(5)”مجھے فانی کرنے اور زندہ کرنے کی صفت دی گئی ہے۔“(خطبہ الہامیہ ،ص :23 ،روحانی خزائن،ج :16 ،ص :55،56)
اختتامیہ
قارئین کرام ! آپ نے ملاحظہ کیا کہ مرزا قادیانی کس کس طرح کی باتیں بیان کرتا ہے ،مرزا قادیانی کے جھوٹا ہونے کے لئے اس کی بے وقوفانہ باتیں ہی کافی ہے کہ پڑھنے والا ہنسنے لگ جاتا ہے کہ ضرور یہ کسی ایسے بندے نے بات کہی ہوگی جس کا دماغ ٹھیک نہیں ،لیکن قادیانی حضرات پر حیرت ہے کہ وہ ان عبارات کے باوجود بھی قادیانیت کا سہارا لیکر بیٹھیں ہے اور مرزا قادیانی کا دفاع کررہے ہوتے ہیں اللہ تعالیٰ ان کو عقل سلیم عطا فرمائے ۔
