ختم نبوتکیا عیسی علیہ السلام وقت نزول نبی ہونگے؟(مفتی انتظار حسین مدنی کشمیری)
استفتاء:
کیا فرماتے ہیں علمائے دین و مفتیان شرع متین اس مسئلے میں کہ حضرت عیسی 
جب دنیا میں دوبارہ تشریف لائیں تو کیا وہ نبی ہی ہوں گے ؟
:USER ID بابا نصیر
الجواب:
بسم الله الرحمن الرحيم
الجواب بعون الملك الوهاب اللهم هداية الحق والصواب
پوچھی گئی صورت میں حکم شرع یہ ہے کہ سید نا عیسینبی ہی ہوں گے کیونکہ کسی نبی سے نبوت کا زائل ہونا ممکن ہی نہیں جو یہ عقیدہ رکھے کہ نبی سے نبوت زائل ہو سکتی ہے وہ دائرہ اسلام سے خارج ہو جائے گا لہذا عیسینبوت کے ساتھ ہی تشریف لائیں گے البتہ سرکارِ نامدار صلی اللہ علیہ والہ وسلم کے نائب کے طور پر تشریف لائیں گے اور آپ صلی الله علیہ والہ وسلم کی شریعت کے مطابق احکام جاری فرمائیں گے ۔ المعتقد المنتقد میں ہے : من جوز زوال النبوة من نبي فإنه يصير كافراً، كذا فی التمهيد1 ترجمہ : جو کسی نبی سے نبوت کا زائل ہونا جائز قرار دے بے شک وہ کافر ہو جائے گا۔ ایسا ہی تمہید میں ہے۔
امام جلال الدین سیوطی 
فرماتے ہیں: حضرت سید نا عیسیٰ جب زمین پر تشریف لائیں گے ہوں گے تو رحمت عالم صلی اللہ علیہ والہ وسلم کے نائب کے طور پر آپ کی شریعت کے مطابق حکم فرمائیں گے نیز آپ کی اتباع کرنے والوں اور آپ صلی اللہ علیہ والہ وسلم کی امت میں سے ہوں گے ۔ 2
واللہ اعلم عزوجل ورسولہ اعلم صلی اللہ علیہ والہ وسلم
کتبہ :انتظار حسین مدنی کشمیری عفی عنہ
15 ربیع الثانی 1445ھ 31 اکتوبر 2023ء
